Учениците Владо Војданоски, Анѓела Јорданоска, Моника Донеска и Анѓела Петреска под менторство на професорката Марија Пупиноска – Гогова од ОУ “Братство Единство” со својот проект “Saving Energy” учествуваа на натпреварот на најголемиот образовен портал ThinkQuest од фондацијата Oracle.

Во конкуренција на 5.600 училишта и проекти, учениците од ОУ “Братство Единство” го освоија првото место.

Како награда училиштето ќе добие донација од 5.000 долари, а учениците кои учествуваа во проектот заедно со професорката ќе добијат по еден лап топ во вредност од 1.500 долари и ќе учествуваат на “ ThinkQuest  Live 2012” во Сан Франциско во октомври годинава, каде што ќе го претстават својот проект за штедење енергија без вложување на големи финансиски средства.

OhridNews