Проектот со кој се врши афирмација на локалитетот „Свети Наум“, започна да се реализира во месец октомври и се работеше во неколку фази.
Учениците, под менторство на професорите Сузана Велјаноска, Јелис Караман Бешир, Маријан Радески и Костадинка Томаноска, најпрво се стекнаа со теоретски познавања за локалитетот, по што следуваше негова посета каде вршеа истражувања и прибирање на податоци, врз основ на кои подоцна беа изработени збирка на инсекти, растенија, како и флаери и брошури со слики и текстови- лично изработени од страна на учениците.
Голем број од изработените фотографии и самиот видео клип е дело на ученичката Натали Башоска.
– Со овој проект ја подигнавме свеста кај учениците за чување на културното и природното наследство, овозможивме тие да се стекнат со точни, конкретни и детални податоци за „Св. Наум“ со што се оспособија како туристички водичи за самиот локалитет. При тоа, ги мотивиравме и останатите ученици во иднина да учествуваат во изработка на проекти, а се надевам дека го зголемивме и интересот за упис во нашето училиште, истакна професор Костадинка Томаноска.
Проектот во месец мај беше презентиран и во Скопје, а неговата реализација продолжува и во текот на идната учебна година.
