На вториот ден од одржувањето на Меѓународниот фестивал “Разиграно оро“, претставници од повеќе европски земји- учесници на манифестацијата, ја посетија локалната самоуправа каде беа примени од секретарот Димитар Спасески.
Спасески го истакна ставот на локалната самоуправа дека, секогаш ќе се поддржуваат културните настани кои ја збогатуваат туристичката понуда на Охрид и неговото културно живеење и меѓународната афирмација на градот. Спасески изрази надеж дека “Разиграно оро“ ќе стане традиционален и нераскинлив дел од културните збиднувања во Охрид.
Учесниците на фестивалот, ја истакнаа својата благодарност до локалната самоуправа, КУД “Филиграни“ и граѓаните на Охрид, за топлиот прием и беспрекорната организација. Гостите, во име на своите ансамбли и градови, на секретарот Спасески му врачија пригодни подароци.
OhridNews
