Најдобрата светска тенисерка Ешли Барти нема да настапи на УС Опен. Австраликата била загрижена од пандемијата на коронавирусот поради што и решила да го откаже настапот.
Последен пат првопласираната на ВТА листата го пропуштила УС Опен во 2010 година. Тогаш на турнирот поради повреда не настапи Серена Вилијамс.
Нема да настапиме на ју-Ес опен, а дополнително ќе донесеме одлука за Ролан Гарос. Ризикот од зараза со Ковид-19 и понатаму е голем, едноставно не се чувствувам пријатно, јас и мојот тим не сакаме да ризикуваме. – рекла Барти.
Според „Њујорк Тајмс“, Барти нема да настапи ниту на „Отвореното првенство на Западот и Југот“. Овој турнир е вториот најголем на американската турнеја која традиционално се одржува во летниот период.
Познато е дека на овој турнир нема да учествуваат четири тенисерки од Топ 10, тоа се Симона Халеп, Елена Свитолина, Бјанка Андреску и Наоми Осака.
Ешли Барти има 24 години, досега во кариерата освоила осум ВТА титутли во сингл, вклучувајќи го и Ролан Гарос во 2019 година.
OhridNews
