УЕФА го суспендираше бугарскиот интернационален судоја Антон Генов, бидејќи тој се наоѓа под истрага за местење на резултатот на пријателскиот меч Македонија – Канада одигран на 14 ноември во Струмица, кој заврши со победа на Македонија со 3:0.
Од европската куќа на фудбалот соопштија дека за овој натпревар се поврзани ,очигледни неправилности во врска со обложувачките уплати,,. За потсетување Генов четири пати покажа на белата точка, по двапати за дветет репрезентации. Токму обложувачките куќи пријавиле големи влогови за три и повеќе постигнати гола како и за поголем број на досудени пенали.
Бугарскиот арбитар до завршувањето на истрагата на УЕФА а може и подолго нема да може да ја дели правдата на меѓународни натпревари.
ohridnews
