На Русија ќе и’ бидат одземени дури шест бодови во квалификациите за
идното Европско фудбалско првенство во 2016 година, доколку нејзините
навивачи продолжат со инцидентите, соопшти Европската фудбалска
федерација -УЕФА.

УЕФА остро го предупреди рускиот фудбалски сојуз поради инцидентите од
првиот меч од Групата А од ЕУРО 2012 против Чешка (4:1) одиграна во
полскиот град Вроцлав и го казни со 120 илјади евра. Беше констатирано
дека руските навивачи се тепале со редарите на стадионот, фрлале петарди
и палеле факели, а на трибините изнеле недозволени пароли.

УЕФА се изјасни засега за инцидентот на мечот со Чешка, но не и за вистинската навивачка војна што во вторникот се водеше на улиците на
полската престолнина Варшава пред мечот Полска – Русија (1:1), што го
испровоцираа полските хулигани. Се очекува дека слична казна ќе биде
одмерена и за полскиот фудбалски сојуз.