Факултетот за туризам и угостителство – Охрид организира семинар на тема „Управување со ризици кај компаниите“ – „Enterprise Risk Management – ERM“ во периодот 29 и 30.11.2012 година. Целта на семинарот ќе биде да се научат основите на преземање на ризици во работењето, финансирањето, ризици кои се преземаат во компетитивен пазар, како и ризици поврзани со технолошките промени.
Предавањата ќе ги одржи еминентниот Проф. д-р Томас Аиупа, долгогодишен професор на Универзитетот Висконсин – САД. Учесниците ќе добијат сертификат за учество на семинарот.
Предавањата ќе бидат на англиски јазик, а ќе се одржат во просториите на Факултетот за туризам и угостителство – Охрид.
Подетални информации може да најдете на веб страната на Факултетот за туризам и угостителство – Охрид.
