Диви депонии никнуваат во Охрид. Ако до неодамна несовесните граѓани ги загадуваа претежно местата во предградијата и околината, сега шутот и најразличен друг отпад може да се сретне покрај улиците во градот. Екипата на Ohridnews беше сведок како несовесен граѓанин со камион одлага шут на улицата „Распаќе“ во близина на спојот со булеварот „Туристичка“. Штом забележа дека се фотографира, камионџијата со голема брзина се оддалечи од местото каде веќе никна дива депонија.


ул. „Распаќе“ се претвора во депонија

Слични диви депониии има на повеќе локации во околината на Охрид. Несовесните граѓани за да не платат, наместо на специјализираната депонијата за шут во Мауцкер, отпадот го одлагаат кај ќе стигнат. Од Комуналната инспекција велат дека се немоќни да се справат со проблемот зошто немаат можност да изрекуваат мандатни казни, а поднесените прекршочни пријави  заглавуваат во судските лавиринти. И додека надлежните собираат рамења, диви депонии почнаа да никнуваат и во градот.

ohridnews