Во организација на Институтот за развој на заедницата од Тетово и Фондацијата „Фридрих Еберт“ вчера во хотелот Десарет заврши четиридневната Национална младинска конференција „Заеднички визии 2012 “.
Млади од цела Македонија дебатираа за предизвиците и предностите кои произлегуваат од можноста да живеат во мултикултурна околина, да го зголемат меѓуетничкиот и меѓурелигискиот дијалог што е од огромно значење за Македонија заради етничката, културната и религиската разноликост која што постои во земјата. Тоа би резултирало со подобар и помирен соживот помеѓу младите во Македонија. На конференцијата се зборуваше и за тоа како да се зајакнат капацитетите на младите луѓе во насока на застапување на нивните ставови преку користење на нови медиуми и социјални мрежи.
На третатата Национална конференција „Заеднички визии – 2012 “ активно учество зедоа и претставниците на Локалниот клуб на УНЕСКО при Здружението КУЛТ ДАМ од Охрид : Славчо Маленкоски и Климчо Ангелоски.
На маргините на конференцијата за „ Местото, значењето и улогата на УНЕСКО клубовите во светот “ говореше Лидија Топузовска од Националната комисија на УНЕСКО . Претставници на неколку од вкупно 16 клубови на УНЕСКО во Македонија , меѓу кои и Милчо Јованоски претседател на Здружението КУЛТ ДАМ разговараа со Топузовска за идните заеднички потфати, вмрежувањето со инцијатива наскоро заеднички да формираат Национална федерација на УНЕСКО клубови .
