– Доколку уништувањето на трската се третира како казниво дело оние кои тоа го прават би сноселе одговорност како и во останатите случаи на пироманија и подметнување на пожари. Но, освен носењето на законски решенија, потребно е и тие да се почитуваат и да се издигне на повисоко ниво свеста кај луѓето за значењето на трската и нејзината заштита, потенцира Николоски.
Потребата од изготвување на закон или дополнение на закон со кој ќе се стави режим на заштита на појасите на трска во и околу басенот на Охридското езеро и предвидувањето на казнените одредби за нејзина деградација, беше иницирана од страна на учесниците на трибината која неодамна ја одржаа претставниците на Спортско риболовниот клуб „Св. Апостол Петар“ и Билатералниот секретаријат за Охридското езеро, а му беше претставена и на пратеникот Николоски.
Случаите на палење на трската во овој период од годината е се почест. Само во изминатиот месец беа забележани три случаи кај некогашната Детска болница, кај Подмоље и Грашница. Во најголемиот број случаи причина е човечки фактор.