Универзитетот за информатички науки и технологии Свети Апостол Павле, од наредната година ќе се сели во новите простории, во рамки на некогашната охридска касарна.
Како што информира при неодамнешната посета на Охрид, премерот Никола Груевски, од јуни се очекува да започнат активностите за реконструкција и адаптација на касарната, во која ќе биде сместен универзитетот.
– Доколку активностите се одвиваат според планираното, очекуваме дека во текот на месец јануари или февруари идната година, ќе завршат градежните работи во касарната и универзитетот ќе може да почне со работа во новите простории, рече Груевски.
Универзитетот Свети Апостол Павле започна со работа во септември 2009 година. Наставата засега се одвива во адаптираните и опремени простории во центарот на градот, во објектот на некогашниот Дом на АРМ.
OhridNews
