Управниот одбор на јавната општинска установа Детска градинка „Јасна Ристеска“, на седницата одржана денеска, усвои предлог за избор на директор. Како што дознава OhridNews, за раководител на градинките во Охрид е предложена Марина Петроска Тодороска – актуелен вршител на должност директор.
Предлогот согласно статутот и законите, Управниот одбор ќе го достави до градоначалникот на општина Охрид, кој треба да се произнесе по истиот. Мандатот на директорот на детската градинка „Јасна Ристеска“ е 4 години.
Ова е втор обид на Управниот одбор на градинката да избере директор на јавната установа. Пред шест месеци предлогот на У.О. не беше прифатен од градоначалникот Петрески, поради што беше именуван вршител на должност директор.
OhridNews
