Управата на ФК Охрид, онаа истата која фудбалерите очекуваат што поитно да го напушти клубот, денеска се огради од изјавите на тренерот Драган Антиќ со кои го нападна судијата на натпреварот со Ренова, скопјанецот Игор Цветковски.
„Управата на ФК Охрид се оградува од изјавите на тренерот Антиќ кои веруваме се дадени во афект, а поради катастрофалното судење на Игор Цветковски на натпреварот со Ренова. Сепак, ние не можеме да ги изедначуваме сите судии во Македонија, ниту пак да тврдиме дека судењето на некои е нарачано од одредени поединци во мак-фудбалот, посебно не од Кенан Идризи. ФК Охрид сака и натаму да негува коректни односи со ФК Ренова“ – вели портпатролот на клубот, Иван Арсеновски.
Oд управата на клубот уште велат дека ја прифатиле усната оставка на тренерот Антиќ и дека во наредните неколку дена ќе назначат нов шеф на стручниот штаб, и ќе ги подмират заостантите плати кон фудбалерите.
Ohridnews
