Старата куќа во распаѓање веднаш до сервисот за хемиско чистење во старата охридска чаршија, повеќе не претставува опасност за минувачите и околните објекти. Урната е неодамна од страна на сопственикот – Исламската верска заедница, по налог на Комуналната инспекција.
–Издадовме налог сопствениците да ја урнат старата куќа, бидејќи навистина претставуваше голема опасност и ја нагрдуваше чаршијата, ни изјави раководителот на Комуналната инспекција, Танас Танасоски.
Урната опасната куќа во старата чаршија
Сопствениците на околните објекти ни изјавија дека е добро што руинираниот објект конечно е урнат затоа што во последно време речиси секојдневно од него паѓале делови од кои, како што ни рекоа, „некој лесно можеже да настрада“.
Старата куќа на ИВЗ веќе не претставува опасност за минувачите
Во Охрид постојат и други стари објекти кои буквално се распаѓаат, но решение за нив тешко се наоѓа, велат од Комуналната инспекција.
Тешко се решава проблемот со старите градби
–Најчесто таквите објекти имаат повеќе сопственици кои не ги примаат решенијата за уривање. Согласно новите законски прописи за да може општината да урне еден таков објект неопходно е да се изработи посебен проект од страна на Секторот за урбанизам, вели Танасоски. Досега на територијата на општината изработен е само еден таков проект според кој беше урната старата градска библиотека, посочи Танасоски. Тој објасни дека општините немаат искуство во изработката на вакви проекти, а целлокупната административна процедура дополнително го усложнува проблемот со старите и опасни градби.
Ohridnews
