Вчера, во 16 часот на машката плажа во Струга, скутер со предниот дел удрил во десната потколеница на 11 годишно девојче кое се наоѓало во плиткиот дел од езерото. При тоа девојчето се здобило со лесни телесни повреди, кои биле констатирани од страна на медицинско лице при Општата болница во Струга.
Според информациите на СВР- Охрид, возачот на скутерот по настанот веднаш избегал преку плажата, оставајќи го во вода скутерот кој потоа бил одземен од страна на езерската полиција.
Надлежните потенцираат дека имаат информации за идентитетот на возачот на скутерот.
Поради зачестеноста на инцидентите во струшкото крајбрежје, независно од тоа што забраната за возење скутери во езерото стапува на сила на 20 јули, од денес, тимови составени од езерската полиција, СВР- Охрид и инспектор од охридската капетанија, ќе вршат засилени контроли преку целиот ден.
OhridNews
