Во дворот на ОУ „ Братство- Единство“ садеа учениците, но и директорот на учиштето, наставниот кадар, градоначалникот Петрески, советниците и претставници од јавното претпријатие Охридски комуналец.
Градоначалникот Александар Петрески, претседателот и членови на Советот на Општина Охрид засадија дрвца и во близина на градскиот пазар.
Садници се садеа и во дворовите на останатите училишта низ градот. На учениците од ОУ „Св. Климент Охридски„ им се придружија и членовите на Здружението на лица со телесен инвалидитет „Мобилност“, ЦПЛИП „Порака“, Здружението на слепи лица и Здружението на глуви и наглуви лица , а садници од сопствено производство во училиштните дворови на ОУ „Св. Климент Охридски“ и ОУ „Братство Единство“ засадија и вработените во јавното претпријатие „Охридски Комуналец“.
Голем број од граѓаните и учениците во акцијата се приклучија садејќи дрвца во селото Долно Лакочереј.