Утре, околу 10 часот, на аеродромот „Св. Апостол Павле“ ќе слета првиот авион со холандски туристи. Тие ќе бидат пречекани од заменик премиерот Владимир Пешевски, Амбасадорот на Кралството Холандија во Македонија Симоне Филипини, Градоначалникот на Охрид Александар Петрески и Градоначалникот на Струга Рамиз Мерко.
Подоцна амбасадорот Филипини, ќе го отвори обновениот Холански парк. Од страна на Симоне Филипини и претставник на спонзорите, официјално, ќе бидат презентирани петте нови велосипеди, пикник маси и новите садници во паркот.
Прославата по повод пристигнувањето на холандските туристи и отворањето на паркот ќе се одржи на терасата на плажата Куба Либре.
OhridNews
