На 15-ти март, утре, истекува рокот до кој граѓаните треба да пријават дополнителни приходи и да платат данок за истите. Согласно законот персонален данок на доход за приходите од вршење на самостојна дејност треба да пријават: трговци-поединци и граѓаните кои остваруваат приходи од: стопанската дејност, давање професионални и други интелектуални услуги (нотари, адвокати, стоматолози…), занаетчиска дејност, земјоделска дејност и од други дејности чија трајна цел е остварување на приходи за остварената добивка или загуба од работењето за 2012 година.
Доколку даночниот обврзник, покрај приходите од вршење на самостојна дејност во 2012 година, остварил и други приходи, има обврска да поднесе и Годишна даночна пријава, образец ПДД-ГДП, информираат од УЈП.
На даночните обврзници кои нема да достават даночни пријави во законски предвидениот рок 15-ти март 2013 година, Управата за јавни приходи ќе им изрече глоба за сторен прекршок во износ од 500 до 1000 евра во денарска противвредност.
