Утре во 12:30 часот, во компанијата „Костал“ во Охрид, ќе биде реализирана показна вежба за евакуација во услови на случен земјотрес и пожар.
Вежбата има превентивен карактер и има за цел координација и заедничко поефикасно делување на тимовите од надлежните служби за брзи и ефективни реакции при земјотреси и пожари и смалување на негативните ефекти од овие појави, информираат од СВР Охрид.
Показната вежба за евакуација ја организираат Отсекот за превенција при СВР Охрид, Дирекцијата за заштита и спасување, Црвениот крст, Центарот за управување со кризи, Територијалната противпожарна единица, Итната медицинска помош, како и други служби чии тимови ќе учествуваат во нејзиното спроведување.
OhridNews
