Утре, 3 јули, во Куќата на Уранија, со почеток во 19 часот, во рамки на манифестацијата Научна и уметничка визита ќе одржат концерт студенти од Факултетот за музичка уметност од Скопје, учесници на Летната музичка работилница, што е дел од манифестацијата. На програмата се дела од Бах, Вивалди, Барток, Чајковски, Дербенко, Генин, Гане, Мерц, Пјацола, влезот е слободен.
Учеството на Факултетот за музичка уметност на Летната музичка работилница во рамки на Научната и уметничка визита е резултат на потпишувањето на договорот за соработка помеѓу Македонската Академија на науките и уметностите и Универзитетот „Св. Кирил и Методиј“ во Скопје, со што е интензивирана соработката со факултетите на Универзитетот, процес во кој е вклучен и Факултетот за музичка уметност – Скопје.
OhridNews
