Од општина Охрид и ЈЗУ Центар за јавно здравје информираат дека Министерството за транспорт и врски во соработка со Министерството за здравство, утре, понеделник на 14 јули, ќе се врши авионско запрашување против комарци. Запрашувањето, почнувајќи од 5 часот до 8.30 часот ќе се одвива на површина од 1.500 хектари и тоа на крајбрежието на потег од село Подмоље до манастирот Св. Наум и територијата на град Охрид.
Поради запрашувањето против комарци, се известуваат пчеларите утре , да не ги пуштаат пчелите од кошниците, односно да ги преземат потребните мерки за нивна заштита. Се известуваат граѓаните на Општина Охрид дека препаратот со кој ќе се изврши запрашувањето не е штетен за луѓето и животните, односно водата и почвата.
Доколку временските услови не го овозможат вршењето на дезинсекцијата, запрашувањето ќе се изврши во наредниот поволен период .
OhridNews
