Утре од 14 часот во просториите на Почесниот конзулат на Република Србија со седиште во Охрид ќе се одржи средба помеѓу српски и македонски писатели и поети.
Организаторот Здружението за српско – македонско пријателство „Коштана“ од Охрид најавува дека на настанот доаѓаат писателите Радомир Андриќ, поранешен претседател на Друштвото на писатели на Србија, Раденко Поповиќ и Радоња Дубљевиќ. Нивен домаќин на средбата ќе биде познатиот македонски поет Славе Ѓорѓо Димоски со уште неколку поети од Охрид.
Присутните на настанот ќе ги поздрави и Михајло Филев, почесен конзул на Република Србија во Охрид.
Писателите од Србија во наредните два дена ќе ги посетат и Св. Наум, Струга и Вевчани, а престојот во Охрид ќе го започнат со посетата на НУ Библиотека „Григор Прличев“.
OhridNews
