Во петок завршува Конкурсот за доделување на општинска награда – Патрон на градот „Св. Климент Охридски“ и Конкурс за доделување на Повелба, во чест на празникот „Св.Климент Охридски“ Патронот на Охрид за 2013 година.
Со наградата се оддава највисоко признание за животно дело, односно долгогодишни остварувања и врвни достигнувања во сите области од општествениот живот од особено значење за општината, што претставуваат посебен придонес за развој на општината и за нејзиниот севкупен напредок и афирмација во Република Македонија и светот.
Повелбите се доделуваат за остварувања и достигнувања во сите области од општествениот живот од особено значење за општината.
Право на учество на конкурсите имаат установи, трговски друштва, здруженија на граѓани и граѓани.
OhridNews