Како што информираат од секторот за урбанизам, локациите се веќе утврдени. Предвидено е да се изградат јавни тоалети меѓу Амамот и комплексот Летница, кај старото училиште „Св. Климент Охридски“, на Плаошник, на потегот меѓу улиците „Самоилова“ и „ Коста Абраш“, а ќе се реконструираат и старите јавни тоалети под Долни Сарај.
Во меѓувреме, проблемот ќе се решава со поставување на мобилни тоалети.
Во текот на изминатите години овој проблем особено беше потенциран од страна на туристичките водичи кои нагласуваа дека е невозможно да се реализираат неколкучасовните тури низ градот без посета на јавни тоалети.
Од страна на екс локалната самоуправа за тоа што досега не се изградени јавни тоалети ја обвинуваа централната власт, затоа што не давала согласност за нивна изградба на утврдените локации .
