Два од петте погодоци за Холандија на дуелот со Шпанија ги постигна Робин ван Перси, а сосема заслужено ја понесе и наградата за најдобар фудбалер на мечот. Сепак, заслугата за победата ја препушта на селекторот Луис ван Гал.
– Тој пред натпреварот заврши поголем дел од работата. Не само што ја прочита нивната игра туку нам ни ги покажа нивните слаби точки и не упати како да ги искористиме. Да се победи Светскиот првак со пет погодоци постигнати е огромен успех, но веќе се фокусираме на следниот натпревар кој не очекува – рече капитенот на „лалињата“, Ван Перси.
Погодокот за изендачување 1-1, кој го постигна Ван Перси ќе конкурира за еден од најубавите или најатрактивните на Мундијалот.
Мх.П.
