Брацо Вујичиќ се враќа во Вардар. Поранешниот спонзор на клубот денеска доби пресуда во негова корист во која судот налага поставеноста во нашиот најтрофеен клуб да се врати на состојбата од 14 март 2008. Што значи на Управата која беше под контрола на Вујичиќ.

Решението всушност му одговара на Вардар бидејќи нема излез од организациско –финансиската катастрофа што го снајде и затоа нема да се жали на ваквата судска одлука.

Според денешната пресуда, сите активности во Вардар кои се одвивале во последниве две и пол години се неважечки. Вардар се враќа во рацете на Вујачиќ. Ваквото решение беше и за очекувања и всушност во Вардар се чини го гледаат како единствен спас за кризата во која се наоѓа клубот, па затоа по завршувањето на административните процедури, старо- новиот спонзор најавува дека ќе го преземе клубот кој е последно пласиран на прволигашката табела и настапува практично со младински состав.

Сепак компликација во ваквата разврска на ситуацијата е фактот што Вујичиќ е веќе спонзор на Тетекс, а според неофицијалните тврдења и помагател на Работнички. Прописите на ФФМ забрануваат еден спонзор да финансира повеќе клубови во првенството.

“Извор Канал 5“
OhridNews