Со василичарски оган и барање паричка во погача, најмладите од детската градинка „Јасна Ристеска“, претпладнево се приклучија во одбележувањето на православна Нова година.
По тој повод, општина Охрид на дечињата им подели василичарски пакетчиња, а заменик градоначалникот Ангел Јанев , посакувајќи им добро здравје и весело детство, посочи дека традицијата мора да се негува од рана возраст и на тој начин да се пренесува од генерација на генерација.
„Локалната Самоуправа ги поздравува сите иницијативи кои детската градинка “Јасна Ристеска“ ги реализира а во кои децата се главниот сегмент.“ – рече заменик градоначалникот Ангел Јанев.
На денешното случување проследено со музички хепенинг, две девојчиња беа најсреќни, односно ги најдоа посакуваните парички за среќа.
OhridNews
