Фудбалските репрезентации на Германија и Португалија, ќе го одиграат првиот од дерби натпреварите во рамките на првото коло, на 14-то Европско првенство. На последните две средби одиграни на последните два големи собири на СП во 2006 и ЕП во 2008 година триумфираа “панцирите“.


Пред натпреварот германскиот селектор, Јоаким Лев истакнува дека неговите играчи со нетрпение го очекуваат почетокот на мечот.  „Веќе долго време се подготвуваме, многу планиравме и подготвени сме на сé. Се наоѓаме во многу силна група, но за нас тоа е предизвик, бидејќи ќе играме против најдобрите репрезентации. Португалија во својот тим го има извонредниот Кристијано Роналдо, но тој не е единствениот квалитетен играч во португалскиот тим“, рече Лев.

Германскиот селектор претходно најави дека нема да определи „фластер“ на Роналдо, туку дека ќе се обиде со преземање да го сопрат еден од најдобрите светски фудбалери.

 

Селекторот на Португалија, најмладиот од сите предводници на националните тимови кои настапуваат на Еуро 2012, Паоло Бенто, смета дека неговите избраници можат рамноправно да се носат со Германија.

„Се надеваме дека ќе одиграме најдобро што можеме, бидејќи само со таква игра ќе можеме да и’ парираме на Германија. Ние имаме одличен тим, но истото важи и за Германија. Тие играа сјајно во квалификациите и нивните три титули доволно зборуваат за нив. Ние овде дојдовме да играме, се наоѓаме во силна група, добро сме организирани и можеме да дојдеме до посакуваниот резултат“, рече Бенто.

Португалскиот селектор има проблеми со составот, бидејќи иако е најавен во првиот тим Нани е сé уште неизвесен за настап. Поради повредата, играчот на Манчестер Јунајтед би можел да ја пропушти целата сезона.

Дербито во „групата на смртта“, Германија – Португалија ќе започне во 20:45 часоt

“макфакс“
Ohridnews