Летната UFO сезона во Rebel Ohrid вечерва ќе биде заокружена со настапот на канадско-британската DJ-ка и продуцентка ADRIANNA, со што завршува серијата гостувања на познати имиња од светската електронска сцена во Охрид.
ADRIANNA е основачка на TMPL Music и едно од сè поприсутните имиња на новата peak-time techno/house генерација. Нејзиниот звук е спој на driving techno, funky house groove, ударни ритмови и вокални елементи. (ohridnews.com)
Нејзини продукции се објавени за Tronic, Terminal M, Codex, We Are The Brave, Kurai Records и TMPL Music, а нејзината музика добива поддршка од артисти како Adam Beyer, Charlotte de Witte, Joseph Capriati, Christian Smith и Nicole Moudaber. Зад себе има настапи на Creamfields и Forbidden Forest во Велика Британија, E1 London, Eden Ibiza и Hanger 33 во Монтевидео.
Вечерашниот настап е финале на богата сезона во која зад пултот во Rebel Ohrid се најдоа Artic White, Sasha, Victor Ruiz, Marco Bailey, Christian Smith, Nakadia и Anna Reusch, која минатиот викенд го имаше својот прв настап во Македонија.
ADRIANNA @ REBEL OHRID започнува вечерва во 23:30 часот, како големо UFO затворање на летната сезона.
OhridNews
