Вечерва во предворјето на „Св. Софија“ претставата „Кога бев мртов“

Денеска од 21 часот во предворјето на црквата „Св. Софија“, се игра претставата „Кога бев мртов“ во изведба на „Словенско Народно Гледишче“,  а во режија на Диего де Бреа.

Претставата „Кога бев мртов“ е инспирирана од истоимената бурлеска од германскиот режисер Ернст Лубич од 1916 година. Темата е убава комична приказна за сопруг кој го најавува своето самоубиство и исчезнува, а подоцна повторно се појавува, но со лажен идентитет.
 
Улогите ги толкуваат Алој Свете – сопругот, Јанез Шкоф – сопруга, девојка, Јернеј Шутгман – баба, мајка на сопругата, Борис Михаљ – додворувач, шахист и Јоже Шалеј  -пијанистот.

Инаку, „Кога  бев мртов“ на словенечкиот фестивал „Денови на комедијата“ 2011 во Целје, ја доби наградата за најдобра претстава, а режисерот Диего де Бреа на тој фестивал доби награда за најдобра режија.