Вечното“ дерби на српскиот фудбал, натпреварот Црвена звезда-Партизан, ќе се одигра со присуство на публика. Ова е  одлучено на состанокот на кој присуствувале преставниците на двата клуба, Заедницата на прволигашите, Министерството за внатрешни работи на Србија и Фудбалскиот сојуз.

Можноста 139 дуел на „вечните“ ривали да биде одложен, или да се одигра пред празни трибини, се појави по инцидентите на 12 октомври во Џенова, поради кои беше прекинат квалификацискиот натпревар Италија-Србија.

Како што пренесува Б92, по двочасовниот состанок сите страни се согласиле натпреварот да биде одигран во присуство на навивачите, но со зголемени мерки на безбедност. Поради безбедноста одлучено е капацитетот на стадионот „Маракана“ да биде намален за 20.000 седишта.

Дуелот Црвена звезда-Партизан ќе се одигра во сабота со почеток во 13 часот.

“извор Макфакс“
Ohridnews