Шпанскиот судија Карлос Веласко Карбаљо ја доби честа да биде главен арбитар на првиот натпревар на Европското првенство во фудбал, кое во петок ќе биде отворено со натпреварот Полска-Грција.
„Среќен сум и горд што се наоѓам на
листата на судии кои ќе ги судат натпреварите на ЕП. Самото присуство
тука е успех и потврда на напорната работа“, изјави шпанскиот судија.
Kарбаљо додека минатата сезона
го судеше финалето во Лига Европа помеѓу Порто и Брага. Вториот меч од оваа група помеѓу Русија и Чешка ќе го суди англичанецот Хаувард Веб.
Познати се сите делители на фудбалската правда во првата рунда во Б групата. Словенецот Дамир Скомина ќе го води мечот Холандија – Данска додека дерби пресметката меѓу Германија и Португалија ќе ја суди французинот Стефан Ланој.
На сите натпревари, ќе ги има 31, правдата ќе ја делат петмина судии на теренот – главен, двајца помошници крај аут линиите и двајца помошници зад головите, овие петмина судии ќе бидат од иста земја.
На последното Европско првенство главните судии на секој натпревар инкасираа по 10.000 евра, помошниците заработуваа двојно помалку, а четвртиот судија добиваше по 4.000 евра.
УЕФА сè уште нема објавено колкав ќе биде хонорарот на судиите за Еуро 2012.
OHridnews
© Ohridnews.com. All rights reserved.
The content of this article, should not be printed, copied or published in any way, without permission by Ohridnews.com