За прв пат сезонава, офанзивниот бранител Александар Велески настапи со капитенската лента. Во целост ја оправда довербата на стратегот Антиќ и покрај тоа што не играше по стандарданата десна позиција, туку го замена капитенот Ѓорески по лево беше еден од најдобрите на теренот на мечот со Тетекс.
Одигравме од срце за Охрид – Велески
– Типичен првенствен натпревар, во кој заслужено победи домашната екипа. Знаевме дека Тетекс е добра екипа, но ние ги остваривме сите задачи кои ни ги зададе шефот на стручниот штаб Антиќ. И покрај сите финасиски проблеми со кои е запознаена целата јавност овај натпревар го одиграавме од срце за градот, за нас и мислам дека крајно време е да се среди ситуацијата во клубот и да го продолжиме овој победнички чекор – рече Велески.
М.П.
