Холандската амбасадорка во Македонија, Симоне Филипини, Градоначалникот на Охрид, Александар Петрески, Велосипедската единица на СВР-Охрид, како и сите граѓани кои се вљубеници во велосипедите ќе бидат дел од свеченото дефиле, кое денес во 12 часот ќе помине низ охридските улици, по повод, Фестивалот за велосипеди Велофест 2010 година. Покрај дефилето во 17 часот ќе се одржи и охрадска велосипедска тура со велосипеди, во која учество може да земат сите граѓани на Охрид.

Во рамки на фестивалот ќе се одржат и неколку изложби на фотографии на најстари велосипеди, уметнички велосипеди, а ќе бидат презентирани и неколку документарни филмови за историјата на велосипедизмот.

Програма на фестивалот во Центарот за култура Глигор Прличев во Охрид
•    12:00 Изложба на фотографии
•    
•     „Од историјата на Македонскиот градски велосипедизам“
•    „Моите омилени велосипеди“ од Весна Трпковска
•    „Вело Европа 2009“ од Александар Ристовски
•     „Освежи се“ од Томислав Георгиев
•    Македонска велосипедска фотографија
•    
•    13:15 Филм „Историја на велосипедизмот во Охрид“ р: А. Јованоски, 2010
•    17:00 Градска велосипедска тура
•    18:00 Филм „Додека водата тивко шумоли“ р: Коле Ангеловски, 1979
•    18:20 Филм „Фиксен град“, р: Мартин Гилук, Кристиан Ансанд, 2009
•    21:00 Музика за возење велосипед во Куба Либре

Фестивалот Велофест годинава се одржува за прв пат во Македонија. Започна во Скопје на 7 ми април, а завршува на 30 април исто така во Скопје. Еден од најголемите подржувачи на фестивалот е Холандската амбасада.

Ohridnews