Веслачите од Горица Ремо од Охрид се закитија со шест медали на Државното првенство во веслање кое се одржа изминатиов викенд во организација на Веслачката федерација на Македонија во Автокампот АС во Струга, а на кое учество земаа четирите веслачки клубови во државата.
На највисокото место се искачија Александра Маленкоска и Исабела Димоска во дисциплината дубал скул сениорки, до среброто извеслаа нивните клубски колешки Дениз Хајредин и Валентина Модева Караѓуле.
Во дисициплината скиф за сениорки до среброто извесла Александра Маленкоска, а бронзата и припадна на Исабела Димовска.
Во скиф за кадети Андреј Крстески ја освои бронзата, а до бронза извесла и Филип Трпески во скиф за сениори.
Забележителен и успешен настап имаше и најмладата веслачка надеж на охридскиот клуб, Ана Ничевска која го освои четвртото место.
Следен предизвик за Веслачкиот клуб Горица Ремо ќе биде Меѓународната регата Војводина опен во Палиќ, Р.Србија.
Воедно по завршувањето на натпреварот, се оддржа и вонредно собрание на ВФМ, на предлог на претседателот на ВФМ м-р Коста Хиохи, каде што едногласно беше изгласана Александра Маленкоска за Спортски директор на репрезентација.
OhridNews
