Вчерaшаното невреме и силниот ветер го зголеми интензитетот на денешните активности на екипите за јавна хигиена.

Од ЈП „Охридски Комуналец“ информираат дека во текот на целиот работен ден се расчистувале и се подигале паднати лисја од сите јавни, пешачки и сообраќајни површини во градот.

Освен паднатите лисја, екипите на претпријатието ги расчистувале и наносите од езерото на градскиот кеј,  од каде што биле подигнати 20 метри кубни отпад.

OhridNews