– Вевчанскиот карневал е постар од 1.400 години и претставува отворен театар во кој учесниците под маска, во еден слободарски дух ја претставуваат сопствената перцепција за настаните и личностите што ја одбележале годината. Во тој дух на овогодинешниот карневал, како и во минатото, беа претставени најразлични маски за кои што никогаш немало реакции и никогаш не биле со цел да навредат некого, стои во дописот.
Општина Вевчани се обраќа со апел до струшкиот градоначалник и организаторите на протестите да престанат да играат со чувствата на граѓаните со цел да добијат ситни политички поени.
– Овие настани заради својата сензитивност носат голема одговорност за организаторите пред се заради последиците што би произлегле од ваквото неодговорно однесување, велат од општина Вевчани.
Оттаму изразуваат и жалење и осуда на обидот да се нарушат вековните пријателски односи што ги граделе вевчанци со жителите муслимани од струшкиот регион.