Контроверзниот Италијанец, Марио Балотели, продолжува да биде во центарот на вниманието поради нефудбалски причини. По завршувањето на мечот од полуфиналето од ФА купот, кое Сити го доби со 1-0, Балотели налета на столбот на одбраната на Манчестер Јунајте , Рио Фердинанд, за кого неприфатливо било тоа што “Супер Марио“ победата ја прославувал со провоцирање на противничките навивачи.

 – Можам да разберам да постигнете погодок и зајадувачки да се радувате на голот, но по последниот свиреж сметам дека треба да се радувате со своите навивачи, а не да ги провоцирате туѓите– напишал Фердинанд на својот Твитер профил.