Охрид Лоте го претрпе вториот пораз во вториот натпревар пред својата публика, трет во досегашниот тек од првенството. Со цел плен од Охрид си замина екипата на Гостивар која ги “петардираше“ “градежниците“ со 5-1.
Творец на убедливата победа беше Алиу кој со хет трик ја “искина“ мрежата на Охрид Лоте. Серијата за гостиварчани ја отвори Савески во 20-та минута од белата точка откако Трајковски го “сруши“ Јусуфи во казнетиот простор. Алиу “гол-шоуто“ го започна во 43-та минута откако со погодок ја круниса двојната комбинација на Демири и Серафимоски.
Вториот гол Алиу, трет на натпреварот го постигна по соло продорот во 50-та минута. По само три минути односно во 53-та Јусуфи излегува “очи во очи“ со истрчаниот Капрически, а играчот за врска на гостиварчани го лобува за 4-0. Печат на победата стави фудбалерот на мечот Алиу кој во 65-та минута го комплетираше хет-трикот.
Почесниот погодок за “градежниците“ го постигна Толески од белата точка во 80-та минута.
Убедливиот триумф на Гостивар над Охрид Лоте, ги лансираше на второто место на табелата со седум бодови додека “градежниците“ без бодови се заковани на дното. Во наредното 4-то коло охриѓани гостуваат кај Дрита.
Мх.П.
