Пред главниот настан на „Ол стар“ викендот во Лос Анџелес, натпреварот Исток-Запад, се одржаа натпреварувањата во забивање и шутирање тројки.
Очекувано Блејк Грифин крилниот играч на ЛА Клиперс победи во натпреварот во забивање. Во финалната серија Грифин ги победи Џавел Мекги и Демар Дерозен. Грифин (208 см) е вториот највисок играч, по Двајт Хауард (211 см), кој победил на ова натпреварување. До победата Грифин стигна со забивањето со две раце преку автомобил КИА Оптима, додека забиваше хор ја пееше песната „ I believe i can fly“.
Во натпреварот во шутирање тројки играчот на Мајами, Џејмс Џоунс ги победи фаворитите Пол Пирс и Реј Ален. Џоунс, кој е четврти играч на Мајами кој победил на ова натпреварување, во финалето со 20:18 го победи минатогодишниот победник Пол Пирс. Ален кој пред неколку денови стана најдобриот шутер за три поени во НБА историјата, во финалето постигна 15 поени.
Ohridnews
