Напаѓачот на Милан, Златан Ибрахимовиќ доби три меча суспензија поради ударот без топка на Салваторе Ароника на мечот против Наполи кој заврши 0-0.
Швеѓанецот ќе ги пропушти мечевите против Удинезе, Чезена како и супердербито против Јувентус. Од Милан најавија жалба на ваквата казна.
За Ибрахимовиќ кој е прв стрелец во Серија А, ова не е прв пат да добие ваква казна. Лани на мечот со Фиорентина имаше вербална расправија со помошниот судија по што беше предвреме пратен во соблекувалната.
