Најдобрите осум екипи во Европа, вечерва и утре ги продолжуваат натпреварите во борба за “сребрената канта“ од елитното фудбалско клупско натпреварување, Лигата на шампионите. Во натпреварите на старите познаници бранителот на трофејот Манчестер јунајтед на „Олд Трафорд“ го пречекува Порто, додека Вилјареал ќе игра против Арсенал.
Порто на патот кон титулата во 2004 година, предовден од Жозе Мурињо ремизираше на Олд Трафорд 1-1 и со севкупни 3-2 го елиминираше Манчестер.
„Жолтата подморница“ во дуелот со „топџиите“ бара одмазда за елиминацијата во полуфиналето пред три години. Тогаш Арсенал стигна до финалето, откако на двомечот победи со вкупен резултат од 1-0.
Утре во англиската пресметка играат Ливерпул – Челси, а во дуелот на поранешните прваци Барселона го пречекува германскиот првак Баерн Минхен.
М.П.
