Актуелниот првак на Италија Милан беше подобар од освојувачот на Купот Интер со 2-1 и го освои трофејот во италијанскиот Суперкуп, што се одигра пред 90 илјади гледачи во Пекинг.
“Росонерите“ до првиот трофеј сезонава стигнаа со пресврт, откако по првиот дел беа во негатива од 1-0. Стрелец на водечкиот гол за Интер беше Снајдер, кој како што пишуваат италијанските медиуми е на заминување во Манчестер Сити.
Избраниците на Макс Алегри, по паузата одиграа далеку поорганизирано и за осум минути успеаа да направат пресврт со головите на Ибрахимовиќ во 61 и Боатенг во 69 минута.
Во судиското надополнување се Ето ја затресе мрежата но од недозволена позиција, со што пропадна последната можност за Гасперини да го избегне поразот во првиот негов меч на клупата на Интер.
М.П.
