Со поставување на видео камери ќе се решат дел од проблемите на најпрометната градска сообраќајница, булеварот „Туристичка“, сметат во локалната самоуправа, која неодамна отпочна зафати за подобрување на протокот на сообраќај.
За таа цел на булеварот ќе бидат изградени шест кружни текови, вклучително и на крстосниците кај „Макси Д“ и кај „Охридска банка“. Исто така се предвидува и проширување на коловозите по целата улица на сообраќајницата, а модернизацијата треба да заврши со поставување на безбедносни камери.
-Видео камерите се добра работа и треба да се воведат не само поради безбедноста во сообраќајот, туку и за зачувување на имотот, и тоа не само на „Туристичка“, туку и на другите улици во градот, изјави градоначалникот на Охрид Александар Петрески.
Тој истакна дека локалната самоуправа ја поддржува таа идеја и се надева дека истата ќе биде реализирана од страна на централната власт.
