Од денес до 10- ти јуни, Охрид е домаќин на IX Конгрес на Лајанс клубови од градови под тврдини. На собирот чиј домаќин е Лајанс клуб „Десарети“ – Охрид, учествуваат 63 клубови членки на Асоцијацијата на лајанс клубови од градови под тврдини.
Идејата за формирање на оваа асоцијација потекнува од Италија, со цел зближување на клубовите и реализација на заеднички проекти.
Учесниците на Конгресот ќе имаат можност да ги видат и природните и културни вредности на Охрид, а предвидени се и повеќе пригодни свечености и гала вечера за претставниците на европските лајанс клубови, членки на Асоцијацијата на лајанс клубови од градови под тврдини.
OhridNews
