Вчера припадници на специјалната полициска единица“Тигар“ изведоа двочасовна операција на спасување на 35-годишно болно лице од струшкото село Јабланица. Спасувачката операција во непроодниот регион на Јабланица беше изведена со хеликоптер на МВР, при што лицето било извлечено од завеаното село и било пренесено во струшкиот медицински центар.
Инаку, патот до струшкото село Јабланица, кое со денови беше отсечено од светот, доцна синоќа беше пробиен, со механизација, со што помошта неопходна за околу 350 жители на ова струшко планинско село сега ќе може да стигне и по копнен пат.
OhridNews
