„Дајана е убиена во возилото за брза помош“, пишува на насловната страница на американскиот таблоид „Глоуб“, кој во својот нов број тврди дека поседува нови докази за смртта на британската принцеза, пренесува порталот „+info“.
Иако поминаа 15 години од смртта на Леди Ди, сè уште има гласини за заговор против поранешната сопруга на принцот Чарлс, во кој обично се вклучени и британското кралско семејство и тајните служби.
„Глоуб“ ја негира официјалната верзија, според која ни Дајана, ни нејзиниот партнер Доди Ал Фаед не биле врзани со сигурносни појаси во моментот на сообраќајната несреќа. Таблоидот пишува дека Дајана го преживеала судирот во парискиот тунел, но дека подоцна била убиена во амбулантното возило.
„Глоуб“ натаму тврди дека има докази што ја потврдуваат тезата за убиството и кои еднаш засекогаш ќе ја решат мистеријата за смртта на Дајана. Принцезата Дајана го загуби животот во сообраќајна несреќа во тунелот Алма, во Париз, на 31 август 1997 година. Според официјалната верзија, до несреќата дошло кога автомобилот, во кој таа била со својот партнер Ал Фаед, удрил во ѕидот на тунелот во центарот на Париз. Кога загина, таа имаше 36 години.
OhridNews
ивор:„+info“
