На мечот со Хул во Премиер лигата Немања Видиќ за последен пат на Олд Трафорд го носеше дресот на Манчестер Јунајтед. Тој со победа 3-1 се прости од навивачите на кои девет години им беше херој.
– Ова е тежок момент за мене, ова е последен натпревар за мене на Олд Трафорд. Сезонава не беше добра за нас, но мора да се продолжи понатаму. Првата сезона по моето доаѓање освоивме трофеј и тоа беше најава за она што потоа следуваше. Ова е можеби најубавиот дел од мојот живот, имам три деца, освоив многу трофеи со клубот, во исто време бев обожаван од вас фановите – рече по завршување на мечот Видиќ.
Србинот со емоционален говор се прости од навивачите на Олд Трафорд, а кариерата ќе ја продолжи во калчолигашот Интер.
– Ова е емоционално за мене, сакам да ви кажам дека срцето постојано ќе ми биде со клубот. Јас бев дел од убави времиња во овој клуб, исто така работев со прекрасни луѓе. Ви благодарам од дното на моето срце – заврши Видиќ.
Мх.П.
