Во наредните денови во попладневните часови ќе има развој на нестабилна облачност со пороен дожд и грмежи. Локално ќе има услови за појава на невреме со пороен дожд, силен ветер, електрични празнења и град, особено во недела и понеделник, информираат од Управата за хидрометеоролошки работи.
Во сабота во Охрид ќе се задржи сончево и топло време, со услови за развој на нестабилност во попладневните часови, врнежи од дожд и грмежи. Максималната дневна температура ќе се движи до 28 степени, а UV индексот ќе изнесува 7.
Во недела ќе биде потопло, до 31 степен Целзиусов, но исто така со услови за дожд и грмежи попладне. UV индексот ќе достигне 8.
OhridNews
