Вкупно 1146 слободни места се отворени во охридските средни училишта, за упис во прва година за учебната 2012/2013 година.
Според конкурсот за упис кој беше објевен деновиве во ОСУ Св. Климент Охридски, во прва година ќе може да се запишат 442 завршени осмооделенци во 13 паралелки и тоа: во гимназиско образование 272 ученици, економско- правна и трговска струка 136, и здравствена струка 34 ученици.
Во ЕМУЦ Св. Наум Охридски слободни места има за вкупно 398 ученици, во 12 парарелки, од кои 330 ученици на македонски и 68 ученици на албански наставен јазик.
Во угостителско- туристичкото средно училиште Ванчо Питошески, ќе може да се запишат 306 ученици, распоредени во 9 паралелки, од кои 272 ученици во угостителско- туристичка струка и 34 во прехранбена струка.
Во јунскиот уписен рок, планирано е да има две пријавувања за запишување. Првото пријавување ќе се врши на 14 и 15 јуни, а второто пријавување ќе биде на 27 и 28 јуни 2012 година. Во рамки на августовскиот уписен рок, слободните места ќе може да се пополнат на 16 август 2012 година. Училиштата кои во двата уписни рока не ги пополниле утврдените ученички места за запишување со овој Конкурс продолжуваат со запишување на учениците до 31 август 2012 година.
